Góði starvsfelagi
Kanningin, sum vit biðja teg luttaka í, er eitt samstarv millum fróðskaparsetrini í útnorðri, Íslandi, Grønlandi, Føroyum umframt Aarhus Universitet og onnur, sum hava við málundirvísing at gera.
Endamálið við verkætlanini er at fáa eina heildarmynd av undirvísingini í fólkaskúlanum í donskum sum fyrsta, annað ella triðja mál. Ætlanin er at lýsa undirvísingina i donskum í teimum londum, har danskt er kravd lærugrein.
Dentur verður lagdur á støðuna hjá málinum viðv. lógum og námsætlanum, og hvussu tær verða framdar í verki. Samstundis verður roynt at lýsa tilvitanina hjá næmingum, foreldrum og øðrum í nærumhvørvinum um hugburðin til málið.
Ætlanin er eisini at finna felags hugsan í námsætlanunum í sambandi við tilrættiislegging av undirvísing, sum kann miðlast til aðrar lærarar. Ein slík verkætlan er ikki gjørd áður.
Verkætlanin miðar ímóti:
– virknum samstarvi millum londini
– sambandi millum alment endamál (námsætlan) og innføring í skúlunum
– neyvari lýsing av námsfrøðini/frálærufrøðini, sum verður brúkt
– betri fatan av týðninginum, norðurlendsk mál hava í samfelagnum sum samskiftismiðil fyri norðurlendingar
Vinarliga
Sarita Eriksen og Olly Poulsen, dansktlærarar í føroyska fólkaskúlanum umframt Solveig Debess, Nám.